Ծրագրի մասին

ՀՀ բարձր տեխնոլոգիական արդյունաբերության նախարարության կողմից հայտարարված դրամաշնորհային ծրագրի շրջանակում ՀԱՊՀ-ն իրականացնում է «Python ծրագրավորման լեզվի I մակարդակի (beginner)» և «Python ծրագրավորման լեզվի II մակարդակի (Intermediate)» դասընթացներ:

Ծրագրի համառոտ նկարագիր

«1043.11004․Մասնագետների պատրաստման ԲՈՒՀ-մասնավոր հատված համագործակցություն» ծրագրի շրջանակում կանցկացվեն հեռավար դասընթացներ, որի արդյունքում մասնակիցները կստանան գործնական գիտելիքներ և հմտություններ, որոնք կօգնեն և կխթանեն նրանց մուտքը բարձր տեխնոլոգիաների աշխատաշուկա։ Ծրագրի իրականացման ընթացքում հաշվի են առնվելու համաչափության, ներառականության, թափանցիկության ու հաշվետվողականության սկզբունքները:

Ծրագիրը իրականացնում է դրամաշնորհային մրցույթ, որի նպատակն է` ...

Ծրագրով նախատեսվում է

  • 1. Կազմակերպել և իրականացնել 550 մասնակիցների համար նախատեսված «Python ծրագրավորման լեզվի I մակարդակի (beginner) դասընթացի»` համաձայն մրցութային կարգով ներկայացված դիմումների:
  • 2. Կազմակերպել և իրականացնել 200 մասնակիցների համար նախատեսված «Python ծրագրավորման լեզվի II մակարդակի (Intermediate) դասընթաց»` համաձայն մրցութային կարգով ներկայացված դիմումների:

Դասընթացին կարող են մասնակցել Երևանում` 18 տարեկանը, ՀՀ մարզերում և Արցախի Հանրապետությունում՝ 16 տարեկանը լրացած ՀՀ այն քաղաքացիները, ովքեր կանցնեն դասընթացի ընդունելության կարգը և կհամապատասխանեն ծրագրի թիրախային խմբերին:

Թիրախային խմբերն են՝ ...